(ചൊൽകൂത്ത് )

        {ഈ വരികൾ ആവർത്തിച്ച് പാടണം )

എന്തുകൊണ്ട്.. എന്തുകൊണ്ട്.. എന്തുകൊണ്ടെന്തുകൊണ്ടെന്തുകൊണ്ട് ?

എന്തുകൊണ്ട്.. എന്തുകൊണ്ട്.. എന്തുകൊണ്ടെന്തുകൊണ്ടെന്തുകൊണ്ട് ?

സൂര്യനുദിച്ചിട്ടു മെന്തേ നാട്ടില്  കൂരിരുട്ടിന്നും മാറാത്തു ...മാറാത്തു...മാറാത്തു...കൂരിരുട്ടിന്നും മാറാത്തു..?

നാട്ടിൽ ചിലരെ   മനസ്സ് കറുത്ത് കരിമ്പുക കൊണ്ട്  നിറഞ്ഞിട്ട്‌ ....കരിമ്പുക കൊണ്ട്  നിറഞ്ഞിട്ട്‌ .

പുക പുരളാത്ത  അടുപ്പുകൾ വന്നിട്ടും ..നാട് പുകയുന്നതെന്ത് കൊണ്ട് ...എന്തുകൊണ്ട്.. എന്തുകൊണ്ട്.. നാട് പുകയുന്നതെന്ത് കൊണ്ട് ...?

പുകയുന്ന കൊള്ളി പുറത്താണ് പക്ഷെ ,അടുപ്പ് പുകഞ്ഞാൽ നാം എന്ത് ചെയ്യും ...എന്ത് ചെയ്യും...എന്ത് ചെയ്യും...അടുപ്പ് പുകഞ്ഞാൽ നാം എന്ത് ചെയ്യും ?

സ്മാർട്ടായ സിറ്റികൾ വന്നിട്ടും  നമ്മള് സ്മാർട്ടാകാത്തതിന്നെന്തുകൊണ്ട് ..?...എന്തുകൊണ്ട്.. എന്തുകൊണ്ട്.. സ്മാർട്ടാകാത്തതിന്നെന്തു കൊണ്ട് ?

സ്മാർട്ടായ സ്മാർട്ടൊക്കെ  തംബിരാം മാര്ക്കായി നമ്മള്  തീര് കൊടുത്തിട്ട്  ....നമ്മള്   തീര് കൊടുത്തിട്ട്  ..

തൊട്ടുകൂടായ്മയുംതീണ്ടിക്കൂടായ്മയും വിട്ട്പോകാത്തതും എന്ത് കൊണ്ട് ..എന്തുകൊണ്ട്.. എന്തുകൊണ്ടെന്തുകൊണ്ടെന്തുകൊണ്ട് ?

ജാതി തിരിച്ചിട്ട് തമ്മിലടിപ്പിക്കും പാർട്ടികൾ നാട് ഭരിച്ചിട്ട്  ...  പാർട്ടികൾ നാട് ഭരിച്ചിട്ട്  ..

നാട്ടിലെമ്പാടും വികസനം വന്നിട്ടും നാട് മുടിയുന്നതെന്ത് കൊണ്ട് ?...എന്തുകൊണ്ട്..എന്തുകൊണ്ട്..

നാട് മുടിയുന്നതെന്ത് കൊണ്ട് ?

നാട് കാക്കുന്നോന്റെ ആശയും കീശയും വികസിച്ച് വീര്ത്ത് കൊഴുത്തിട്ട് ... വികസിച്ച് വീര്ത്ത് കൊഴുത്തിട്ട്  

{വട്ടത്തിൽ ചുവട് വെച്ച് }

വികസിച്ച്  വികസിച്ച് ...നാട് വികസിച്ച് .....നാട്ടുകാർ 'നാട്ടിൻ'  പുറത്തായല്ലോ ?..2 

റോഡുകൾ വന്നപ്പോൾ വീട് വികസിച്ചു ,വീടുകൾ റോഡിന്നകത്തായല്ലോ ?  ...2 

കാടായ കാടൊക്കെ വെട്ടിത്തെളിച്ചപ്പോൾ കാടുകൾ 'കാട്കയറി' യല്ലോ ?  ...2 

പാടവും തോടും പടികടന്നു പോയി ,ഓടകൾ ഓടി നടക്കുന്നല്ലോ ?   ...2 

മലകളിറങ്ങിയ പുലികളെ കൊണ്ട് പുലിവാല് നാട്ടിൽ പിടിച്ചുവല്ലോ  ?   ....2 

തലകളില്ലാത്തോന്റെ  തലയിലെ വികസനം നാടിനെ തകിടം മറിച്ചുവല്ലോ ?   ..2 

ഒന്നിച്ച് നിന്നിട്ടിരുട്ട് തുരത്തിയാൽ..പുതിയൊരു പുലരി ഉദിച്ചുയരും

കൂരിരുൾ നീങ്ങി വെളിച്ചം വരും 

പുതിയൊരു പുലരി ഉദിച്ചുയരും...കൂരിരുൾ നീങ്ങി  വെളിച്ചം വരും !   ..2

പലതായി ചേരി തിരിഞ്ഞ് പൊരുതിയാൽ ചിന്നി ചിതറി നശിച്ചു തീരും  ..

കഴുകന്മാർ കൊത്തി വലിച്ചു കീറും ....ചിന്നി ചിതറി നശിച്ചു തീരും  ....

കഴുകന്മാർ കൊത്തി വലിച്ചു കീറും    ....2 

 {ഈ വരികൾ ആവര്ത്തിച്ചു പാടി സ്റ്റെപ്പ് മാറ്റിവീണ്ടും  കളിക്കുക }

{സ്റ്റിൽ ആയി നിന്ന് }

അന്ന്യരല്ല നമ്മളാരും നമ്മൾ ചേര്ന്നു നില്ക്കണം 

നമ്മളെന്തു വേണമെന്ന്  നമ്മൾ നിശ്ചയിക്കണം. .. 2

നന്മകൊണ്ട് തിന്മയെ ച്ചെറുക്കുവാൻ പഠിക്കണം 

നമ്മൾ നിശ്ചയിച്ചുറച്ച്  നമ്മൾ തന്നെ ചെയ്യണം !...  2  

അന്ന്യരല്ല നമ്മളാരും നമ്മൾ ചേര്ന്നു നില്ക്കണം 

നമ്മളെന്തു വേണമെന്ന്  നമ്മൾ നിശ്ചയിക്കണം. .. 2

നന്മകൊണ്ട് തിന്മയെ ച്ചെറുക്കുവാൻ പഠിക്കണം 

നമ്മൾ നിശ്ചയിച്ചുറച്ച്  നമ്മൾ തന്നെ ചെയ്യണം ...നമ്മൾ തന്നെ ചെയ്യണം ...

നമ്മൾ തന്നെ ചെയ്യണം ...

                ഉസ്മന്പണ്ടിക്കാട് 

                0564283654